1. Söngvar úr sómatúni
Þar sem háir hústurnar hálft hverfið hylja
& hádegisólin nær ekki að skína
hver að góna á heiðina skyldi vilja
horfðu frekar á veggina mína
Þar sem háir hústurnar hálfu hverfi drekkja
& blokkir blokka útsýnið allt
Reynt var með eigendunum að rekkja
í rúmi sem reyndist svo valt
Þar sem háir hústurnar hálft hverfið skyggja
& heilagt er ekkert sem áður var sagt
Þar sem ekkert fær í friði að liggja
& ekkert stenst sem í útaf var lagt
Þar sem háir hústurnar hálfu hverfi rústa
& alltaf er nágrannabyggðin að stækka
& ráðandi öfl ekki einu sinni pústa
við að halda útsvari í hámarki en ekki lækka
2. Er skúff í gangi? (að vinna ekki fyrir eigin stöðu)
Hvernig er það að vera eftirbátur
hangandi lufsa í kjölfari?
Hvernig er að fá bara úthlutað embætti
vegna þess að annar flúði af hólmi?
hvernig er svo að geta ekki tekið
ákvarðanir vegna þess að búið er að mála myndina
og ekkert sem er gert gengur upp
Af því að þú hímir hnípin í horni
Og felur þig á bakvið ósvöruð símtöl
á bakvið ósvaraða pósta
Það er ekki eins og þú hafir til að bera
annað en mínustölu í útgeislun greyið mitt
En er eitthvað skúff í gangi
er eitthvað skúff í gangi
er eitthvað skúff í gangi
vegna vanhæfis þín og vesaldóms
3. Kjötbollubyltingin
Í stað þess að breiðu spjótin voru skökuð
og í stað þess að veifa kalasnikóvum
var ráðist á verndara kvenna
og vammlausa jafnréttisstýruna
með kjötbollur einar að vopni
Og bæjarstjóri skuggana
smyr í ferðagraða
Engin varð þó ólífur eftir byltinguna en margir urðu margt sverari
En svona er það með græningja
að maturinn er þeirra megin
& blóðlausar byltingar þeirra
Skilja ekkert eftir nema auðn
því ekki er andskotann
Hægt að stóla á að þeir fylgist með
öðru en sjóðandi pottunum
Engin varð þó ólífur eftir byltinguna en margir urðu margt sverari
4. Hvaðan kemur þetta fól(k)?
Svo er spurt hvað skömmin heitir
& er það erfðarsynd íhaldsins
Íhaldsins sem spyr ekki
um flokk eða félagið
heldur rígheldur í eiginhagsmuni
& ímynduð völd
Með hann pinnstífan í valdafýsn
Fælir frá sér skapandi gáfur
& heilbrigðar hugsjónir
til að greypa mynd múgsins
af spillingu og klíkuskap
endanlega í meginminni
samfélagsins
Með hann pinnstífan í valdafýsn
En seint verður orðum aukið
Afkáralegt hversu það er
Að með því að smeygja um hálsinn
helsissnöru meðalmennskunar
Er helvíti auðvelt að hengja sig
& það gerist alltaf aftur & aftur
Spottinn sem er notaður
til að dingla sér í
Er jú vafningur þess
að velja alltaf siðleysið
í vinsældarkosningum
að velja alltaf meðalmennsku
í gloppóttu minninu
að leyfa fólki að gera
sér hreiður sem skilur ekkert eftir sig
nema skítahrauka í hornunum
og svaðalegan fnyk
Með hann pinnstífan í valdafýsn
5. 18-23
Það er svo undarlegt
með einstakar ákvarðanir
að enginn virðist vilja
bera ábyrgð á þeim
& þegar stýran stendur
stafninum í & afræður
Þá eru víst ekki nem a 3
sem að málinu koma
En af þessu verður
& af peningum menn verða
en enginn ber ábyrgð
nema að það gleymist ekki
& afleiðingarnar urðu þær
að í staðinn fyrir að halda
lýðnum öllum á einum stað
flæddi hann í afkimana
Þar ruddist hann í garðana
gekk örna sinna á stéttunum
tappaði af sér á göturnar
& börnin máttu inni sitja vegna glerbrota & skrílsláta á götunum
6. Með vini eins & þessa...
Með vini eins & þessa
hver þarf óvini
Bergþursinn & bolarnir
sem ætla allt að eiga
Með vini eins og þessa
En hvað er nú að gerast
í höllinni hennar S
Bergþursinn skellir hurðum
& öskrar á hana bless
Með vini eins og þessa
Ætli S sjálf næsta sumar
sitji sveitt í því
Að tryggja að hingað komi gumar
og píur á fyllerí
Ef ekkert verður af því
má bóka það að S
Verður tjörguð & fiðruð
af barvertum & kaupahéðnum
Eftir hverju eru þið að bíða?
Með vini eins og þessa
With friends like these
...Who needs enemas...
7. Sauðdrukkinn lá
af saltkjöti á fæti
valt þessi vammlausi
kontróller
inn á kontórinn
og situr með stífbónaðann
skallann & svitnar ekki einu sinni
þegar hann er gripinn með brækurnar á hælunum
því hann er jú máttarstólpi
margskilinn
misskilinn
& á móti tekur
heimsóknum fyrirmenna
& kvenna
af háaðli er kynið
& af hæversku hann beygir
sig undir að vera ekki mæltur
á tungu gestsgreyanna sem á hann mæna
því hann er jú máttarstólpi
meinfýsinn
margfýsinn
en það er jú vænst
að brynja sig upp
berð’í mig brennivín,
svo ég fíli mig á hestbaki
en láttu svo eins & þú takir ekki eftir því
þegar ég slefa og tafsa, þrefa og þusa
æli og sauðdrukkinn ligg í ljómanum af stöðunni minni
Því hann passar upp á börnin sín
8. gröfum, gröfum, gröfum með gulri gröfu göturnar í tvennt
Gröfum
gröfum
gröfum
með gulri gröfu
garðinn okkar í tvennt,
Það er svo flott
að moka í hrauk
landinu okkar
og skipta því
með síki
afsakið samt
eina stunda
er ekki um að ræða
að meginþorri
hinna ungu
og einusinni
efnilegu
landa okkar
var saknað eftir
sukkferðir í
skólana í köben
eingöngu vegna
drukknana í síkjunum
er það er víst of mikið af ungum á Akureyri nú þegar & ferskleikinn of mikill
Andskotinn hafi það
gröfum
gröfum
gröfum
með gulri gröfu
göturnar í tvennt
9. Eineltisdraugar frá Dalvík
Læðist meðfram veggjunum
með horugt nef & niðurlútur
Ekkert þráir meira en það að hverfa
Frá endalausri, að virðist,
Nauðung og smán
Læðist útúr skólanum
& leitar að skemmri leið heim
Þegar aldurinn loksins kemur
Er leiðin styst úr bænum
Ekkert þráir meira en það að hverfa
Frá endalausri, að virðist,
Nauðung & smán
& slóðinn leiðir hann í langskóla
Leiðir hann svo aftur heim
Hvar hann uppfræðir & líknar
Leitast við að fræða
Ekkert þráir meira en það að hverfa
Frá endalausri, að virðist,
Nauðung & smán
En svo vakna upp langanir
til að stýra & leiða
En afrekin falla í skuggann
á reimleikum liðinna tíma
Ekkert þráir meira en það að hverfa
Frá endalausri, að virðist,
Nauðung & smán
& brúðumeistari barnakvalar
bælir hann niður áfram
& vesaldómurinn heldur áfram í viðsnúningi & undirlægjuháttum
10. Skilgreindu menningu manni minn...
Skilgreindu
menningu
manni minn
segðu mér að það sé rétt að byggja upp menningu hérna
því menning er víst bara boltinn
& þó málarinn sé soltinn
er skemmst frá því að segja
að svíða jörð með því að beygja
frá menningarstefum síðustu
ára, heldur að dæla í þá fríðustu
fótboltadrengi en ekki konur...
skilgreindu menningu manni minn
en menningunni má ekki gera
svo hátt undir höfði svo við skulum skera
niður fjármagnið & styðja ei
penslariddara og skúlptúragrey
heldur hvetja til þess að allir hlaupi
ekki í spik & inn á leikina sig kaupi
og passa það að bærinn verði aftur sótsvart verkamannaból
skilgreindu menningu manni minn
& verður henni betur borgið
með því að reisa fyrir neðan torgið
hringleikahús 21. aldar fáránleika
hvar slátrað verður án þess að skeika
11. 13,03
þrettán komma núll þrír
að fyrstu gerð lengi býr
þrettán komma núll þrír
stöðnunina enginn flýr
nema með því að spyrja sig
hvort að ekki sé komið slig
í stöðnunina og vesaldóm
tími til að rífa burtu innantómt hjóm
þrettán komma núll þrír
að fyrstu gerð lengi býr
þrettán komma núll þrír
stöðnunina enginn flýr
Vantraust á að raunverulegt eðlið
sé til þess fallið að gæta hagsmuna
allra hinna sem í blindni völdu
potara eiginhagsmuna í ökumannssætið
þrettán komma núll þrír
að fyrstu gerð lengi býr
þrettán komma núll þrír
stöðnunina enginn flýr
Bylur hæst í blikktunnu
böndin eru ekki sterk
& bresta svo á endandum
með beljandi hljóm
Í hvað fer svo aurinn minn
í hvað fer svo aurinn minn
ég held að aurinn minn verði aurinn aursins...
